Məşhur aktyorun BÖYÜK ÜRƏYİ: İnsanlara belə yardım edir

"İhtiyaç Haritası" yardım təşkilatının təsisçi üzvü, aktyor Mert Fırat maraqlı açıqlamalar verib.

Lent.az xəbər verir ki, o, yardım işləri ilə bağlı fikirlərini səsləndirib.

Aktyor bildirib ki, yardım təşkilatı ən düzgün şəkildə fəaliyyət göstərir:

“Bu təşkilatda 300-dən çox könüllü çalışır. Onlar hər gün zəlzələdən əziyyət çəkən insanlara xidmət edir. İlk gündən bəri 80-ə yaxın “TIR” yükləmişik. Eyni zamanda yardımalrın paylanmasını da gerçəkləşdiririk. Burada artıq olan yükləri ehtiyacı olanlara göndəririk. İstanbul, Hatay, Kahramanmaraş və Adıyaman bölgələrində də koordinasiya mərkəzlərimiz var. Yardımların düzgün paylanmasına nəzarət edirik.

Təhlükəsizlik səbəbilə zərərçəkənlərin yerlərini işarələməmək üçün offlayn olaraq sistemimizi işlədirik. Hara nə getdiyini, hansı kəndə nə qədər paylanıldığını biz bilirik. 150 nəfərlik moto-kuryerimiz, 20 nəfər avtomobil sürücümüz var. Burada 16 yaşdan 80 yaşa qədər, hər millətdən və ölkədən könüllülər çalışır”.

Əsas ehtiyacın qida çatışmazlığı olduğunu bildirən Mert əlavə edib ki, yemək paylanılması da təmin edilir:

“Yorğan, geyim, uşaq bezi və qidası, dərman və s. kimi ehtiyacları qarşılayırıq. Təbii ki, bəzi riskli, eləcə də, həkim məsləhəti olmadan qəbul edilən dərmanlar burada yoxdur. Bundan başqa, su depomuz var. Yemək və qida bölümümüz var. İsti yeməklər insanlara paylanılır. Ən çox lazım olan maddə benzindir. Lakin bunu da həll etmişik. Hər gün dörd mindən artıq zəlzələdən zərərçəkən insanları yemək və ərzaqla təmin edirik. Burada iki mindən artıq konteynerli məkan yaradacağıq”.