Yunanıstanda faşistlərə meylli 7 rəisin işi dəyişdirilib

Yunanıstan hakimiyyəti «Qızıl şəfəq» adlı ultra milliyyətçi Partiyası ilə bağlı işi araşdırılması zamanı polis idarəsinin 7 rəisinin iş yeri dəyişdirilib.

Lent.az-ın «İTAR-TASS»-a istinadən məlumatına görə, İctimai Asayişi və vətəndaşları Müdafiə Nazirliyi bildirib ki, polisin xüsusi təyinatlı dəstəsinin, daxili təhlükəsizlik taqımının, mütəşəkkil cinayətkarlığa qarşı mübarizə idarəsinin, silah və partlayıcı maddələr üzrə dəstənin, eləcə də çevik motoqrupu rəhbərləri tutduqları vəzifədən azad edilərək, başqa işə keçirilib.

Buna səbəb kimi ölkə KİV-də həmin qurumların başçılarının «Qızıl şəfəq»-lə, yunan faşistləri ilə cinayətkar əlaqəyə girməsi, onlarla əməkdaşlıq etməsi göstərilib.

Hakimiyyət bu faşist təşkilata dövlət yardımını kəsmək niyyətindədir. Bunun üçün deputatlar həmin siyasi təşkilatı ciddi qanun pozuntusunda ittiham etməlidir.

Xatırladaq ki, «Qızıl şəfəq» («Chrisi agvi») ötən ilki parlament seçkilərində 7 faiz səs toplayaraq, 18 yer əldə edib.