Bu gecə Pakistanda dağıntılar altından 20 nəfərin cəsədi çıxarılıb.
Lent.az-ın “İTAP-TASS” agentliyinə istinadən verdiyi məlumata görə, bununla da zəlzələ qurbanlarının sayı 348 nəfərə çatıb.
Pakistan hökuməti sentyabrın 24-də baş verən zəlzələ nəticəsində 20 mindən çox evin dağıldığını açıqlayıb. Dağıntılar altında hələ də çoxlu sayda insanın qaldığı ehtimal edilir. Xilasetmə işləri davam etdirilir.
Qeyd edək ki, sentyabrın 24-də Pakistanın Bəlucistan əyalətində baş verən 7,7 bal gücündə zəlzələ dağıntı və tələfata yol açıb. Zəlzələ ocağından 69 km uzaqlıqda yerləşən Avaran şəhəri daha çox dağıntı və tələfata məruz qalıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
