Livana sığınan suriyalıların sayı 1,3 milyonu aşıb

Suriyadan Livana qaçan əhalinin sayı bir milyon 300 mini keçib. Lent.az-ın «RİA Novosti»-yə istinadən məlumatına görə,Livanın xarici işlər naziri Mənsur Adnan bu haqda yerli radioya müsahibəsində bildirib.

Onun sözlərinə əsasən, Suriyadan qaçanlarla bağlı Livan ciddi çətinliklə üzləşib. O, beynəlxalq ictimaiyyəti yardımla bağlı «məsuliyyəti üzərinə götürməyə» çağırıb.

Qaçqın suriyalıların qəbuluna görə, Livan birinci yerdədir.

Qaçqınlar üzrə BMT Ali Komissarlığı bildirib ki, qaçqın suriyalıların 519 mini İordaniyada, 463 mini Türkiyədə, 186 mini İraqda və 124 mini Misirdə məskunlaşıb.

Mənbənin məlumatına əsasən, ölkədə münaqişə başlayandan, 2011-ci ilin martından bəri bu ölkədə yüz mindən çox insan həlak olub, 4 milyondan çox Suriya vətəndaşı öz yurdlarından didərgin düşürək, ya daxildə mühacirət edib, ya da xarici dövlətlərə sığınıb.