ABŞ-ı məhv olmaqdan təsadüf qurtarıb...

ABŞ-ın 1961-ci ildə atom bombası fəlakətindən möcüzə nəticəsində qurtulduğu üzə çıxıb.

Lent.az-ın verdiyi məlumata görə, “The Guardian” qəzeti bununla bağlı məxfi sənədi dərc edib.

ABŞ Hərbi Hava Qüvvələrinin səhvi ucbatından Şimali Karolina ştatına atom bombası atılıb. Başqa sözlə, 1961-ci il yanvarın 23-də B-52 təyyarəsi havada olarkən qurğulardan biri paraşütü açıb və atom bombasının buraxılması sistemi işə düşüb. Əlaqələndirici 4 sensordan yalnız 1-nin aşağı gərginliklə bağlı işə düşməməsi nəticəsində təsadüfən atom bombası partlamayıb.

Atom bombası partlayacağı halda baş verəcək fəlakətin miqyasını təsəvvürə gətirmək belə çətindir. Gücü 4 meqaton trotil ekvivalentinə bərabər olan bu atom bombası Yaponiyanın Xerosima şəhərinə atılan atom bombasından 260 dəfə böyükdür. Əgər atom bombası partlasaydı, bu halda ölümcül nəticələri Vaşinqton, Baltimor, Filadelfiya və Nyu-Yorkun şimalında hiss ediləcək, ən azı 1 milyon insan həyatını itirəcəkdi.