“Xəzərin hüquqi statusu ilə bağlı danışıqlar davam edir. 2014-cü ildə Xəzəryanı ölkələrin dövlət başçılarının sammitinin keçirilməsi gündəlikdədir, bununla bağı Rusiya tərəfi öz qərarını verib və digər Xəzəryanı dövlətlər də bu qərarı dəstəkləyiblər”.
APA-nın məlumatına görə, bunu jurnalistlərə Azərbaycan xarici işlər nazirinin müavini Xələf Xələfov bildirib.
Onun sözlərinə görə, sammitin keçirilməsi ilə bağlı hazırlıq işləri davam edir və bu işlər iki formatda keçirilir: “İşçi qrupunun mütəmadi iclasları keçirilir. Bilirsiniz ki, sonuncu görüş Astanada olub, növbəti iclas Aşqabadda olacaq və orada da hazırlıq işləri müzakirə olunacaq. Aprelin 20-21-də xarici işlər nazirləri səviyyəsində konfransın keçirilməsi nəzərdə tutulur. Bundan sonra artıq sammitin keçirilməsi ətrafında hazırlıq işləri yekunlaşacaq. Ümid edirəm ki, sammit 2014-cü ildə baş tutacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
