Əfqanıstanın xarici işlər naziri ölkəmizdədir

Əfqanıstanın xarici işlər naziri Zarar Əhməd Osmaninin Azərbaycana səfəri başlayıb.

APA-nın məlumatına görə, martın 19-a kimi davam edəcək səfər çərçivəsində Z.Ə.Osmani öz azərbaycanlı həmkarı, dövlət başçısı və ölkəmizin digər rəsmi şəxsləri ilə görüşəcək.

Səfər çərçivəsində Azərbaycanla Əfqanıstan arasında diplomatik və xidməti pasportlara malik şəxsləri üçün viza rejiminin ləğv edilməsi, fövqəladə halların aradan qaldırılması və təhsil sahəsində əməkdaşlıq barədə və digər sazişlərin imzalanması gözlənilir.