Amerikalı tədqiqatçılar aclığı imitasiya edən prinsiplərə əsaslanan xüsusi pəhriz modeli təqdim ediblər. Alimlərin sözlərinə görə, bu qidalanma rejimi orqanizmin bioloji proseslərinə müsbət təsir göstərərək qısa müddətdə ümumi sağlamlıq vəziyyətini yaxşılaşdıra və “cavanlaşma” effekti yarada bilər. Maraqlısı odur ki, bu pəhriz ac qalmağı və ya ciddi qida məhdudiyyətini nəzərdə tutmur.
Lent.az xəbər verir ki, araşdırmanın nəticələri Aging jurnalında dərc olunub.
Pəhrizin əsas prinsipləri
Mütəxəssislər bildirirlər ki, bu qidalanma modeli yemək vaxtına nəzarət və porsiyaların azaldılması üzərində qurulub. Eyni zamanda şəkər və doymuş yağlarla zəngin məhsullardan uzaq durmaq tövsiyə olunur. Əvəzində rasionda tərəvəz və meyvələrin payı artırılır, zülal mənbələrinə (ət, balıq, yumurta və s.) üstünlük verilir
Bu yanaşma orqanizmi daxili yağ ehtiyatlarından istifadə etməyə təşviq edir ki, bu da çəkinin azalmasına və ümumi sağlamlığın yaxşılaşmasına səbəb olur.
Pəhrizə görə, həftə ərzində 5–10 ədəd yumurta qəbul etmək də məsləhət görülür. Bu miqdar 7 gün ərzində istəyə uyğun şəkildə bölüşdürülə bilər.
Sağlamlığa mümkün təsirləri
Ekspertlərin fikrincə, bu pəhriz təkcə arıqlamağa kömək etmir, həm də enerji səviyyəsini artırır, həzm prosesini yaxşılaşdırır, ürək-damar xəstəlikləri riskini azaldır, bəzi onkoloji xəstəliklərin qarşısının alınmasında profilaktik rol oynaya bilər
Araşdırma müəllifləri vurğulayırlar ki, pəhriz müddətində su balansının qorunması xüsusi əhəmiyyət daşıyır və istənilən nəticənin əldə olunmasına kömək edir.
Kimlər üçün uyğundur?
Alimlərin sözlərinə görə, bu qidalanma modeli müxtəlif yaş qrupları və sağlamlıq vəziyyətləri üçün uyğunlaşdırıla bilər. Xüsusilə artıq çəki və metabolik pozuntuları olan insanlar üçün faydalı hesab olunur.
Bununla belə, mütəxəssislər xəbərdarlıq edirlər ki, pəhrizə başlamazdan əvvəl mütləq həkimlə məsləhətləşmək lazımdır. Çünki hər bir insanın orqanizmi fərqlidir və fərdi yanaşma vacibdir.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
