Xalq artisti Faiq Ağayevin tələbəsi, gənc müğənni Etibar Alıyev “Yalvarıram” adlı mahnısına çəkdirdiyi klipi media əhlinə təqdim edib. Lent.az-ın məlumatına görə, xalq artisti tələbəsinin tədbirində media nümayəndələrinin suallarını cavablandırıb. Daha sonra tələbəsi təqdim etdiyi klipdən danışıb. Bildirib ki, klipin rejissoru Orxan Hüseynli, söz və musiqisinin müəllifi Elvin Mirzəzadə, aranjemanı isə Ramal Rəsula məxsusdur: “Hər zaman Faiq müəllimdən məsləhətlər alıram. Çox sağ olsun ki, mənə bu sənətin sirlərini öyrədir. Ən böyük arzum Faiq bəylə duet oxumaqdır. Təqdim etdiyim klipin bəyəniləcəyinə inanıram. İndidən tənqidə belə hazıram”.
F.Ağayev isə tələbəsinin istəyinə özünəməxsus şəkildə cavab verib: “Duat haqqında helə fikir bildirə bilmərəm. Amma gələcək kliplərinin ssenarisini bəyənsən, məmnuniyyətlə aktyor qismində çəkilərəm”.