Axtarışda olan Afət Fərmanqızı birdəfəlik Rusiyaya köçdü

Barəsində həbssiz axtarış elan olunan müğənni Afət Fərmanqızı birdəfəlik Rusiyaya köçdüyünü açıqlayıb.

Lent.az xəbər verir ki, o, bu barədə sosial şəbəkə hesabında məlumat verib.

İfaçı paylaşımında bu sözləri yazıb:

“Meşənin içində Moskva şəhəri. Deməli, keçən 14 fevralda konsertimlə bağlı burada idim. Vüqar qardaşım məni qarşıladı, o zaman ona bildirdim ki, qismət olsa, bura köçəcəyəm. Allahdan arzu etdim ki, gələn il də burada olum. Allah səsimi eşitdi və birdəfəlik bura köçdüm. Tam da istədiyim yerdəyəm. Rusiyadakı toylarımızda xanımların geyimlərindən tutmuş, bəylərimizin centlmenliyinə qədər hər şey qədərindədir.

Burada küçəyə nəinki bəlğəmli, heç bəlğəmsiz də tüpürmürlər. Yerə zibil atan görmədim. Puşkinin heykəlinə ayaqqabı atan da yoxdur. Maşını da qayda-qanunla sürürlər. Hələ ki siqnal səsinə rast gəlməmişəm. İnsanlar bir-birinin şəxsi həyatına müdaxilə etmirlər. Qeybət də yoxdur, heç kim heç kimə baxmır. Pu da ki zibil kimi. Həmişə fikirləşirdim ki, görəsən, azərbaycanlı milyarderlər niyə Moskvada yaşayır? Cavabını burada yaşayaraq özüm tapdım. Bir sözlə, dissiplinli ol, sənə yaşıl işıq yanacaq”.

Xatırladaq ki, Xalq artisti Flora Kərimova ilə qalmaqal yaşayan Afət Fərmanqızı məhkəmələrə dəfələrlə gəlmədiyi üçün cinayət işi üzrə icraat müvəqqəti dayandırılıb və onun barəsində həbssiz axtarış elan olunub.

Qeyd edək ki, xüsusi ittihamçı Afət Fərmanqızını Cinayət Məcəlləsinin 147-ci (böhtan) və 148-ci (təhqir) maddələri ilə ittiham edir.