Şabranda Fizuli Paşayevin selə düşərək boğulmasının təfərrüatları məlum olub.
Lent.az-ın əldə etdiyi məlumata görə, hadisə Zağlı kəndi yaxınlığında baş verib.
Belə ki, 63 yaşlı Paşayev Fizuli Mövlud oğlu yaşadığı Dağbilici kəndinə gedirmiş. Bu zaman kəndə gedən körpünü sel apardığını görüb və yolunu dəyişmək istəyib. Lakin bədbəxtlikdən Zağlı çayının daşması nəticəsində selə düşərək boğulub ölüb.
Məlumaat görə, mərhumun qızı Şəhla Paşayeva atasının itkin düşməsi barədə polisə müraciət edib. Axtarışlar zamanı Fizuli Paşayevin meyiti İzmara kəndi ərazisində, Şabran çayının sahilində aşkarlanıb.
Faktla bağlı Şabran rayon Prokurorluğunda araşdırma aparılır.
Qeyd edək ki, dünən Şabranda üçüncü neftçinin də seldə boğularaq ölməsi barədə xəbər vermişdik.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
