Anna Sedokova ilə keçmiş ərinin ailəsi arasında 37 MİLYONLUQ MƏHKƏMƏ

Rusiyalı müğənni Anna Sedokova ilə mərhum basketbolçu Yanis Timmanın ailəsi arasında daşınmaz əmlakla bağlı hüquqi mübahisənin yeni detalları açıqlanıb.

Lent.az xəbər verir ki, bu barədə “7 Дней” məlumat yayıb.

Timmanın ailəsinin vəkili mübahisə predmeti olan mənzillərin basketbolçu tərəfindən Sedokova ilə nikahdan əvvəl alındığını iddia edib.

Mübahisənin məbləğinin təxminən 37 milyon rubl olduğu bildirilir. Tərəflərin nümayəndələri əmlakın satılması və vəsaitin taleyi ilə bağlı fərqli mövqelər səsləndirirlər. Məhkəmə prosesi davam edir.