İngiltərə millisi UEFA Millətlər Liqasının qrup mərhələsinin üçüncü turunda səfərdə Xorvatiya yığmasını 7:0 hesabı ilə məğlub edib.
Lent.az xəbər verir ki, Riyekada keçirilən qarşılaşmada Harri Keyn 8-ci və 53-cü, Cud Bellinqem 21-ci, Entoni Qordon 39-cu, Bukayo Saka 45-ci və 68-ci, Morqan Rocers isə 87-ci dəqiqədə fərqlənib.
İngiltərə Xorvatiya millisinin səfər oyununda qapısına beş və daha çox qol vuran ilk komanda olub. İngilislər buna qədər Xorvatiyanı səfərdə yalnız bir dəfə – 2008-ci ilin sentyabrında 2010-cu il dünya çempionatının seçmə mərhələsində məğlub etmişdilər. Həmin qarşılaşma 4:1 hesabı ilə başa çatmışdı.
Bu, Xorvatiya millisinin tarixində ən böyükhesablı məğlubiyyət olub. Komanda bundan əvvəl 2018-ci ilin sentyabrında Millətlər Liqasının qrup mərhələsində İspaniyaya səfərdə 0:6 hesabı ilə uduzmuşdu.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
