Pakistanın «Təhrike-taliban Pakistan» hərəkatının lideri Hakmiulla Məhsud bildirib ki, o, ölkəsinin hakimiyyəti ilə «ciddi danışıqlar aparmağa» hazırdır.
Lent.az-ın «BBC»-yə istinadən məlumatına görə, hərəkat lideri əlavə edib ki, o, danışıqlarda hakimiyyəti təmsil edəcək şəxslərin təhlükəsizliyinə təminat verir. H.Məhsud danışıqların şərtlərini «BBC»-yə açıqlamaqdan imtina edib.
O, vurğulayıb ki, istənilən atəşkəsə nail olmaq üçün ilk növbədə pilotsuz uçan aparatlar «Təhrike-taliban Pakistan»-ın mövqelərini vurmağı dayandırmalıdır.
Bir müddət öncə Pakistanın baş naziri Nəvaz Şərif bildirmişdi ki, «Taliban»la ilkin şərtsiz danışıqları başlamağa hazırdır. Hərəkat isə bunun qarşılığı olaraq, bir sıra şərtlər, o cümlədən Pakistanın şəriət qaydaları ilə idarə olunmasını irəli sürmüşdü.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
