Atom-nüvə problemi ilə bağlı Cenevrədə keçirilən danışıqlarda ölkəsini təmsil edən İran xarici işlər nazirinin müavini Abbas Araqçı İsrailin «Kol İsrael» radiosuna müsahibə verib.
Lent.az-ın «nyusru»-ya istinadən məlumatına görə, o, deyib ki, «altılıq»-la növbəti görüşün nəticələri ölkəsi ilə müzakirələrdə iştirak edən dövlətlər arasında münasibətlər üçün yeni «üfüqlər açır».
«İsrail İranın təklifləri ilə bağlı proqram qəbul edə bilərmi» sualına cavabında iranlı diplomat bildirib ki, Cenevrədə keçirilən danışıqlarla İsrail - İran münasibəti arasında heç bir əlaqə yoxdur. Sonra nə isə xatırlayıb və deyib: «İsraildən olan jurnalistlərlə danışmaq hüququ yoxdur».
Bundan sonra yəhudi jurnalistlər A. Araqçıya daha bir neçə sula veriblər və o da onlara ingiliscə cavab verib. Mənbə bildirib ki, elə bil qəfildən o, israilli jurnalistlərlə danışdığını başa düşüb, liftə minib otağına gedib.
Qayıdan da jurnalistlərin onu dəhlizdə gözlədiklərini görüb.
«Unet» saytının müxbiri Lior Zilberşteyn ona yaxınlaşanda isə nazir müavini maşına oturaraq, təbəssümlə bildirib: «Səninlə danışa bilmərəm. Bunu ki bilirsən». Bunu deyib və gedib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
