Mərkəzi ofisi Əbu-Dabidə yerləşən “Sky News Arabia” telekanalının 3 əməkdaşı Suriyada yoxa çıxıb.
Lent.az-ın “İTAR-TASS” agentliyinə istinadən verdiyi məlumata görə, “Sky News Arabia” telekanalı Suriyadakı bütün tərəfləri telejurnalist İshak Mostar, teleoperator Samir Kassab və suriyalı sürücünün Birləşmiş Ərəb Əmirliklərinə qayıtmasına yardımçı olmağa çağırıb.
“Sky News Arabia” telekanalının rəhbəri Narta Bourana deyib ki, çəkiliş qrupu Suriyanın şimalında humanitar durumu işıqlandırmaq üçün həmin bölgəyə yollanıb. Jurnalistlərin Hələb şəhəri ətrafında oğurlandıqları ehtimal edilir. Narta Bourana Suriyanın şimal rayonlarının hazırda dünyada jurnalistlər üçün ən təhlükəli ərazi olduğunu bildirib. Son aylar bu bölgədə onlarla jurnalist öldürülüb, yaralanıb və oğurlanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
