Erməni deputatdan etiraf: "Süverenliyimiz formaldır"

Ermənistanın süverenliyinin ildönümü ərəfəsində erməni deputat bu ölkənin müstəqilliy barədə əsl həqiqəti söyləyib. ANS PRESS-in erməni mediasına istinadən verdiyi məlumata görə, parlamentin “Respublikaçılar” fraksiyasının üzvü Artaşes Gegamyan Ermənistanın müstəqilliyinin formal xarakter daşıdığını bildirib.

Onun sözlərinə görə, Ermənistan Kollektiv Təhlükəsizlik Müqaviləsi Təşkilatına (KTMT ) və Ümumdünya Ticarət Təşkilatına ( ÜTT) qatılmaqla siyasi və istisadi suverenliyini itirib.

Artaşes Gegamyan Ermənistanın iqtisadi potensialının zəifliyinə diqqət yetirərək, ÜTT və Gömrük İttifaqına daxil olmağın ölkəyə xeyirdən çox, zərər verdiyini deyib. Millət vəkili fikrini belə izah edib ki, azad iqtisadi bazar Ermənistan iqtisadiyyatının istehsal sahəsinin inkişafını məhdudlaşdırır.