«Airbus A330» pilotları uçuş zamanı yatıb

Britaniya Mülki Aviasiyası Təşkilatı bildirib ki, Adı açıqlanmayan İngiltərə avia şirkətlərindən birində «Airbus-A330»-un pilotu yatıb və təyyarə avtopilotla idarə olunub.

Lent.az-ın «intrefaks»-a istinadən məlumatına görə, sentyabrın 26-da İngiltərədə çıxan «İndependent» qəzeti xəbər yayıb.

Təşkilat bildirib ki, pilotlar növbə ilə yatmağı qərarlaşdırıb, ancaq bir müddət hər ikisi yatıb. Pilotlar yatdıqları vaxtı xatırlamadıqlarını etiraf ediblər.

Hadisə ötən ay baş versə də bu haqda indi məlumat yayılıb.

Təşkilat heyəti cəzalandırmayacağını bildirib. Qurum uçuş heyətinin yorulduğunu etiraf edib. Ona görə də rəhbərlik pilotların növbəli işləməsinə diqqəti çəkib.