Qəbiristanlıqdan 7 cəsəd oğurlanıb

Lent.az-ın “El Mondo” qəzetinə istinadən verdiyi məlumata görə, burada yerləşən Tenerife şəhərinin Ariko hissəsindəki qəbiristanlıqdan 7 cəsəd oğurlanıb.

Ariko bölgəsinin bələdiyyə başçısı Eladiyo Morales verdiyi açıqlamada məzarların yanvarın 1-də açıldığını və cəsədlərin də həmin vaxt oğurlandığını bildirib. O, həmçinin qeyd edib ki, naməlum şəxslərin açdığı məzarlardan ən köhnəsi 1920-ci ilə aiddir.

Artıq dəhşətli hadisəni törədən şəxslərin axtarışına başlanılıb. Ağlasığmaz əməldə satanistlərin əlinin olduğu ehtimal olunur.

Qeyd edək ki, Tenerifede cəsəd qalıqlarının oğurlanması ilk dəfə deyil baş verir. 4 il əvvəl də bu tip hadisə baş vermiş, lakin nə sümüklər, nə də onu oğurlayanlar tapılmışdı.

Bölgənin bələdiyyə başçısı jurnalistlərə açıqlamasında qəbiristanlıqlara təhlükəsizlik kameraları quraşdıracaqlarını da deyib.