Azər Məhəmməd oğlu Qasımov Azərbaycan Prezidentinin mətbuat katibi vəzifəsindən azad edilib. Prezident İlham Əliyev bu barədə sərəncam imzalayıb.
Lent.az “Bioqrafiya” rubrikasında Azər Qasımlı haqqında məlumat verir.
- Azər Qasımov kimdir?
Azər Qasımov Azərbaycan Respublikası Prezidentinin sabiq Mətbuat katibidir.
- Azər Qasımov nə vaxt anadan olub?
Azər Qasımov 22 iyun 1966-cı ildə anadan olub.
- Azər Qasımov harada doğulub?
Azər Qasımov Bakı şəhərində anadan olub.
- Azər Qasımov harada təhsil alıb?
Azər Qasımov Azərbaycan Pedaqoji Xarici Dillər İnstitutunu, Bakı Dövlət Universitetini və Çenq Du Universiteti (Çin) bitirib.
- Azər Qasımov hansı vəzifələrdə çalışıb?
1994-cü ildə Azərbaycan Respublikasının Çin Xalq Respublikasındakı Səfirliyində tərcüməçi, 1994–1995-ci illərdə Azərbaycan Respublikası Xarici İşlər Nazirliyi Beynəlxalq təşkilatlar idarəsində attaşe, 1995–1996-cı illərdə Azərbaycan Respublikası Xarici İşlər Nazirliyi Konsulluq idarəsində attaşe, 1996–1997-ci illərdə Azərbaycan Respublikasının İran İslam Respublikasının Təbriz şəhərindəki Baş Konsulluğunda attaşe, 1997–1999-cu illərdə Azərbaycan Respublikasının İran İslam Respublikasındakı Səfirliyində attaşe, üçüncü katib, 1999–2000-ci illərdə Azərbaycan Respublikası Xarici İşlər Nazirliyi Asiya, Afrika və Latın Amerikası ölkələri idarəsində üçüncü katib, ikinci katib, 2000–2004-cü illərdə isə Azərbaycan Respublikasının Milli Məclisi Aparatının Beynəlxalq münasibətlər şöbəsinin müdiri vəzifəsində çalışıb.
- Azər Qasımlı nə vaxt nə vaxt Prezidentin mətbuat katibi vəzifəsinə təyin edilib?
Azər Qasımlı Azərbaycan Respublikası Prezidentinin 13 mart 2004-cü il tarixli Sərəncamı ilə Azərbaycan Respublikası Prezidentinin Mətbuat katibi təyin edilib.
- Azər Qasımlı nə vaxt vəzifəsindən azad edilib?
Azər Qasımlı 17 fevral 2025-ci ildə Prezidentin müvafiq sərəncamı ilə bu vəzifədən azad edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
