Səbuhi Sadıqov kimdir? - ABŞ-da lisenziya alan mühasib

Xəbər verdiyimiz kimi, Səbuhi Əhəd oğlu Sadıqov Azərbaycan Respublikası Dövlət Ehtiyatları Agentliyinin sədri təyin edilib.

Lent.az "Bioqrafiya" rubrikasında Səbuhi Sadıqov barədə məlumat verir.

- Səbuhi Sadıqov nə zaman və harada doğulub?

Səbuhi Sadıqov 22 iyun 1984-cü ildə Füzuli şəhərində anadan olub.

- Səbuhi Sadıqov harada təhsil alıb?

- Səbuhi Sadıqov 2001-2005-ci illərdə Azərbaycan Dövlət İqtisad Universitetində maliyyə və kredit ixtisası üzrə bakalavr, 2007-ci ildə isə magistratura təhsili alıb.

2014-cü ildə ABŞ-nin Nyu-Hempşir ştatının İctimai Mühasiblər Heyəti tərəfindən Sertifikatlaşmış İctimai Mühasib lisenziyasına layiq görülüb.

- Səbuhi Sadıqov əmək fəaliyyətinə nə zaman başlayıb?

- Səbuhi Sadıqov əmək fəaliyyətinə 2005-ci ildə başlayıb. 2007-2018-ci illərdə beynəlxalq audit şirkətində müxtəlif vəzifələrdə çalışıb. 2018-2021-ci illərdə özəl sektorda fəaliyyət göstərən holdinqlərdən birində rəhbər vəzifə tutub.

- Səbuhi Sadıqov ailəlidir?

- Səbuhi Sadıqov ailəlidir, iki övladı var.