Yaşlı insanlarda həm piyləri azaldan, həm əzələləri qoruyan məşq müəyyən edildi

Altı aylıq araşdırma yüksək intensivlikli intervallı məşqlərin yaşlı insanlarda bədən yağını azaltmaqla yanaşı, əzələ kütləsini qorumağa kömək edə biləcəyini göstərib.

Lent.az xəbər verir ki, bu barədə “ScienceDaily” məlumat yayıb.

Tədqiqatda yüksək intensivlikli məşq edən iştirakçılar bədən yağını azaldarkən əzələ kütlələrini qoruyublar.

Orta intensivlikli məşq qrupunda isə yağ itkisi ilə yanaşı, az miqdarda əzələ itkisi də müşahidə olunub. Alimlər nəticələrin yaşlı insanların fiziki hazırlıq proqramları üçün əhəmiyyətli ola biləcəyini bildirirlər.