Beynəlxalq Muğam Simpoziumunun açılışı oldu
18 mart 2009 19:00 (UTC +04:00)

Beynəlxalq Muğam Simpoziumunun açılışı oldu

Tədbirdə Beynəlxalq Muğam Festivalının Prezidenti Mehriban xanım Əliyeva da iştirak edib

Martın 18-də Milli Azərbaycan Tarix Muzeyində Beynəlxalq Muğam Festivalı çərçivəsində elmi simpoziumun açılışı olub və plenar iclas keçirilib. Lent.az-ın məlumatına görə, tədbirdə Beynəlxalq Festivalın Prezidenti, Heydər Əliyev Fondunun Prezidenti, YUNESCO və İSESKO-nun xoşməramlı səfiri Mehriban xanım Əliyeva da iştirak edib.

Simpoziumu giriş sözü ilə açan M.Əliyeva festivalın muğam adlı nadir incinin qorunması işinə təkan verəcəyini və mədəniyyətlərarası dialoqun inkişafına xidmət göstərəcəyini deyib: “Əminəm ki, muğama həsr olunan sanballı müzakirələr, klassik və simfonik muğamların gözəl ifaları, parlaq çıxışlar, məşhur musiqiçilərin konsertləri qədim və həmişəyaşar muğam sənətinin bütün zənginliyini nümayiş etdirməklə, festival proqramını həm rəngarəng, həm də unudulmaz edəcək”.

Tədbirdə Azərbaycan Milli Elmlər Akademiyasının prezidenti Mahmud Kərimov da çıxış edib.

Simpoziumun ilk günündə Azərbaycan Bəstəkarlar İttifaqının katibi, xalq artisti Ramiz Söhrabov “Azərbaycan muğam dəstgahlarının kompozisiya quruluş xüsusiyyətlərinə dair” məruzə ilə çıxış edib.

Simpoziumda ənənəvi muğam musiqisi üzərində köklənən xarici musiqilər səslənib.

Lalə Yusifqızı
# 1352

Oxşar yazılar