"Qəbələ" 2 qola 1 xal qazandı

Bu gün Topaz Premyer Liqada 20-ci tura start verilib.

Qol.az-ın məlumatına görə, ilk oyun günündə bir görüş keçirilib.

"Keşlə" öz meydanında "Qəbələ"ni qəbul edib. Roman Qriqorçukun komandası 2-ci pillədəki mövqeyini daha da möhkəmləndirmək üçün səfərdən qələbə ilə qayıtmalı idi. Paytaxt təmsilçisi isə qalib gələcəyi təqdirdə bir pillə irəliləyərək 6-cı yerə yüksələcəkdi. Lakin görüşdə qalib müəyyələşməyib. Oyun 1:1 hesablı bərabərliklə başa çatıb.

Bu görüş ukraynalı baş məşqçilər - Yuri Maksimov ("Keşlə") və Roman Qriqorçukun ("Qəbələ") Premyer Liqamızda ilk qarşılaşması idi.

Qeyd edək ki, turun daha üç oyunu sabah keçiriləcək.

13 mart

15:30.“Keşlə” – “Qəbələ” - 1:1
Qol: Baqali Dabo, 32 (0:1), Vojislav Stankoviç, 59-avtoqol (1:1)
Hakimlər: Ömər Paşayev, Namiq Hüseynov, Mübariz Haşımov, Elvin Əsgərov
“İnter Arena”

14 mart

17:00.“Zirə” – “Səbail”
Hakimlər: Orxan Məmmədov, Vüqar Bayramov, Rahil Ramazanov, Rauf Cabbarov
Zirə İdman Kompleksinin stadionu

18:00.“Neftçi” – “Qarabağ”
Hakimlər: İnqilab Məmmədov, Vaqif Musayev, Akif Əmirəli, Rəhim Həsənov
“Bakcell Arena”

20:00.“Sumqayıt” – “Kəpəz”
Hakimlər: Əliyar Ağayev, Rza Məmmədov, Elşən Acalov, Ramil Diniyev
“Kapital Bank Arena”

N	Klublar	O	Q	H	M	T-F	X
1	Qarabağ	19	15	3	1	30-7	48
2	Qəbələ	20	12	3	5	34-20	39
3	Zirə	19	9	5	5	27-19	32
4	Sumqayıt	19	9	4	6	24-20	31
5	Neftçi	19	8	2	9	24-22	26
6	Səbail	19	5	2	12	13:27	17
7	Keşlə	20	4	4	12	17:32	16
8	Kəpəz	19	3	1	15	12:34	10