Şəkidə yanacaqdoldurma məntəqəsinə basqın edən şəxslərdən biri tutulub. Lent.az Daxili İşlər Nazirliyinə istinadən xəbər verir ki, Kiçik Dəhnə kəndində yerləşən yanacaqdoldurma məntəqəsinə gələn iki maskalı şəxs oranın operator otağının pəncərəsini qıraraq pul tələb edib. Lakin müqavimətlə qarşılaşan həmin şəxslər qaçmağa məcbur olub. Həyata keçirilən tədbirlər nəticəsində məntəqəyə basqın edən şəxslərdən biri, kənd sakini Tacir Mənəfli tutulub. Onun avtomobilinə baxış zamanı iki ədəd maska, bıçaq, yapışqanlı lent və geyim əşyaları aşkar edilərək götürülüb.
Hadisənin digər iştirakçısının tutulması istiqamətində əməliyyat-axtarış tədbirlərini davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
