Gəncədə 8 yaşlı uşağı maşın vurdu

Gəncədə yolu keçmək istəyən uşağı avtomobil vurub.

Gəncə şəhər Baş Polis İdarəsindən APA-nın qərb bürosuna verilən məlumata görə, hadisə şəhərin Ruzigar Qasımov küçəsində baş verib.

Gəncə şəhəri sakini Elvin Əfəndiyev idarə etdiyi “Mercedes” markalı avtomaşınla yolu keçmək istəyən 8 yaşlı Nicat Kərimlini vurub. Uşaq aldığı müxtəlif bədən xəsarətləri ilə Gəncə şəhər 2 saylı uşaq xəstəxanasına yerləşdirilib.

Faktla bağlı Gəncə şəhər Baş Polis İdarəsində araşdırma aparılır.