Gədəbəydə ev, Masallıda mağaza yandı

Ötən axşam Gədəbəy və Masallıda yanğın hadisəsi qeydə alınıb.

APA-nın Fövqəladə Hallar Nazirliyinin (FHN) saytına istinadən verdiyi xəbərə görə, Gədəbəy rayonunda vətəndaşa məxsus ümumi sahəsi 120 m² olan birmərtəbəli 3 otaqlı evin çardağının yanar konstruksiyaları və çardağına yığılmış 4 ton ot bağlamasının 2 tonu yanıb. Evin və ot bağlamasının qalan hissəsi yanğından mühafizə olunub.

Masallı rayonunda isə vətəndaşa məxsus ümumi sahəsi 28 m² olan mağazanın dam örtüyünün yanar konstruksiyaları 16 m² sahədə yanıb. Mağazanın qalan hissəsi yanğından mühafizə olunub.

Hər iki halda yanğın yanğınsöndürənlər tərəfindən söndürülüb.