Bakıda 15 ildir axtarışda olan şəxs saxlanılıb.
Lent.az-ın Daxili İşlər Nazirliyinin ( DİN) saytına istinadən məlumatına görə, Baş Cinayət Axtarışı İdarəsi, Binəqədi RPİ və Ədliyyə Nazirliyi Penitensiar Xidmət əməkdaşlarının həyata keçirdikləri əməliyyat-axtarış tədbirləri nəticəsində 2001-ci il noyabrın 13-də İmran Məmmədovun ölümü ilə nəticələnən yol-nəqliyyat hadisəsini törətməkdə şübhəli bilinən "VAZ-2106" markalı avtomobilin sürücüsü, Bakı şəhər sakini Cavad Mustafayev saxlanılıb.
Bundan başqa, Baş Cinayət Axtarışı İdarəsi əməkdaşlarının həyata keçirdikləri əməliyyat-axtarış tədbirləri nəticəsində Rusiya Federasiyası Cinayət Məcəlləsinin 162-ci (quldurluq) maddəsi ilə axtarışda olan Asif Nəbiyev də tutulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
