13 yaşlı qızın vida məktubu: “Mənim üçün, hər biriniz üçün yaxşı olacaq”
25 dekabr 2010 10:33 (UTC +04:00)

13 yaşlı qızın vida məktubu: “Mənim üçün, hər biriniz üçün yaxşı olacaq”

Azərbaycan paytaxtında 13 yaşlı məktəbli intihar edib. Yasamal Rayon Prokurorluğundan APA-ya verilən məlumata görə, hadisə dünən qeydə alınıb.

Rayon sakini, 1997-ci il təvəllüdlü Anastasiya Həmidova çoxlu miqdarda həb qəbul edərək özünü öldürüb. Onun meyiti gecə saatlarında yatağında aşkarlanıb. Məktəbli qız intihar etməzdən əvvəl məktub yazıb. Məktubda deyilir: “Mənim üçün, hər biriniz üçün yaxşı olacaq. Qızınız Anastasiya”.

A. Həmidovanın özünə qəsd etməsinin dəqiq səbəbləri isə hələlik məlum deyil. Onun 7-ci sinif şagirdi olduğu bildirilir.

Faktla bağlı Yasamal Rayon Prokurorluğu tərəfindən cinayət işi başlanıb, araşdırma aparılır.
# 784

Oxşar yazılar