Sentyabrın 16-dan başlayaraq Meksikanı vuran “Manuel” tropik qasırğası və “İnqrid” burulğanı onlarla insanın ölümünə səbəb olub.
Lent.az-ın “Frans-press” agentliyinə istinadən verdiyi məlumata görə, Meksika daxili işlər naziri Migel Osorio Çonqa güclü subasma və torpaq sürüşməsi nəticəsində 101 insanın həyatını itirdiyini, 68 nəfərin itkin düşdüyünü bildirib.
Böyük kurort şəhəri Akapulko körpünün uçması nəticəsində ölkənin digər hissələrindən təcrid olunmuş vəziyyətə düşüb. İndiyə qədər Akapulkodan 58 min turist evakuasiya edilib.
Bu arada Çin də qasırğa fəlakətinə qarşı hazırlıqlarını ən yüksək səviyyə çatdırıb. Gücünə görə ən təhlükəli səviyyəyə çatmış “Usaqi” qasırğası bazar günü axşam saatlarında Çin sahillərini vuracaq. Gəmilərə limanlara qayıtmaq tövsiyə edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
