Meksikada narkotik qaçaqmalçılığı ilə məşğul olan cinayətkar qruplaşmalar arasında rəqabət davam edir.
Lent.az-ın CNN-ə istinadən verdiyi məlumata görə, dünən Cabo San Lucas şəhərində bir oteldə Francisco Rafael Arellano Felixin rəhbərlik etdiyi cinayətkar şəbəkənin üzvlərinin də iştirak etdiyi ad günü mərasimi təşkil olunub.
Mərasimə kloun paltarında qatılan bir silahlı cinayətkar şəbəkənin 63 yaşlı lideri Francisco Rafael Arellano Felixə atəş açıb. Başından və sinəsindən yaralanan Francisco Rafael Arellano Felix həyatını itirib.
Qeyd edək ki, Francisco Rafael Arellano Felix 2006-cı ildə ABŞ-a təhvil verilib. O, ABŞ-da iki il həbsdə qaldıqdan sonra azadlığa çıxaraq Meksikaya dönüb. Francisco Rafael Arellano Felixin rəhbərlik etdiyi cinayətkar qruplaşmanın hər il ABŞ başda olmaqla, bir çox ölkələrə tonlarla kokain daşımaqla məşğul olduğu bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
