Ermənistan milli komandasının baş məşqçisi Vardan Minasyan istefa verib. Lent.az-ın məlumatına görə, 39 yaşlı mütəxəssis bu barədə Ermənistan Futbol Federasiyasının prezidenti Ruben Ayrapetyanla görüşdən sonra açıqlama verib.
Minasyan deyib: “Ayrapetyan mənə 2016-cı il Avropa çempionatının seçmə qrup mərhələsində də yığmada işləməyi təklif etdi. Lakin mən imtina etdim. Ona göstərdiyi etimada görə minnətdarlığımı bildirdim. Karyeramda dəyişiklik etmək istəyirəm. Deyə bilərəm ki, xaricdən bir neçə təklif almışam”.
Qeyd edək ki, Vardan Minasyan 2010-cu ildən rəhbərlik etdiyi Ermənistan millisində ən yaxşı nəticələr göstərən baş məşqçi olub. Bu komanda 2012-ci il Avropa və 2014-cü il dünya çempionatlarının seçmə qrup mərhələsindən “pley-off”a vəsiqənin bir addımlığında dayanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
