Əhmədinejad meydançada bardaş qurdu

İran prezidenti Mahmud Əhmədinejad ölkənin futbol üzrə milli komandasının düşərgəsini ziyarət edib.

APA-nın “Mehr” xəbər agentliyinə istinadən verdiyi məlumatına görə, M. Əhmədinejad “yaşıl meydança”da bardaş quraraq əyləşib, komandanın məşqçilər korpusu və futbolçuları ilə xeyli söhbət edib.

İran prezidenti ölkədəki son siyasi proseslərin yığmaya təsir göstərməməsini diləyərək, ötən həftə Doha şəhərində Qətər milli komandası ilə görüşü izlədiyini bildirib.

M. Əhmədinejad Qətər qarşısındakı performansın çərşənbə axşamı Livan yığması qarşısında da nümayiş etdirilməsinin vacibliyini qeyd edib.

O, İranın futbol üzrə milli komandasını 2014-cü ildə Braziliyada keçiriləcək futbol üzrə dünya çempionatında görmək istədiyini vurğulayıb.