ABŞ-da məktəbdə atışma: 2 nəfər həlak olub, 2-si yaralanıb - YENİLƏNİB

ABŞ-ın Nevada ştatının Sparks şəhərindəki orta məktəblərdən birinin ərazisində baş vermiş atışma nəticəsində iki nəfər həlak olub iki nəfər isə yaralanıb.

Lent.az-ın «BBC»-yə istinadən məlumatına görə, həlak olanlardan biri 12 yaşlı məktəbli olub.

Yerli KİV bildirib ki, atəş açan intihar edib.

«Assoşieyted Press»-in məlumatına əsasən, yaralılardan biri məktəblidir. Onun da vəziyyəti ağırdır.

***

21.01

ABŞ-ın Nevada ştatındakı məktəblərdən birinin ərazisində baş vermiş atışma nəticəsində bir neçə nəfər yaralınb.

Lent.az-ın «RİA Novosti»-yə istinadən məlumatına görə, bu haqda «CNN» yerli polis əsaslanaraq, xəbər yayıb.

Atışma Sparks şəhərindəki orta məktəb yaxınlığında olub. Yaralıların dəqiq sayı bilinmir. Telekanalın məlumatına əsasən, polis atəş açan zərərsizləşdirib.

Olayla bağlı əlavə məlumat yayılmayıb.