“Domodedovo”da iki terrorçu olub

Moskvanın “Domodedovo” aeroportunda partlayışı bir deyil, iki terrorçu törədib. Lent.az-ın “RİA Novosti” agentliyinə istinadən verdiyi məlumata görə, güc strukturlarındakı mənbə partlayış zamanı onların hər ikisinin öldüyünü bildirib.

Versiyaya görə, partlayış qadın terrorçunun çantasını açan zaman gözlənilmədən baş verib. Bu zaman onun yanında dayanan kişi terrorçunun başı bədənindən qopub. Mənbə onların çantanı hava limanına qoyaraq oradan uzaqlaşmağa hazırlaşdıqlarını istisna etmir.

Amma digər mənbələr şahidlərin sözlərinə əsaslanaraq partlayışı kişi terrorçunun törətdiyini bildirirlər. Bunu videokameralardakı görüntü də təsdiq edir. Qadın terrorçu barədə ancaq şahidlərdən bir bildirib.

Bundan əvvəl terror aktını ya qadın, ya da kişinin törətdiyi güman edilirdi. Məsələn, şahidlər partlayışı xarici görünüşü ərəbə və ya qafqazlıya oxşayan 30-35 yaşlı şəxsin törətdiyini bildirirdilər.