Çeyni yeni ürək istəyir

Lent.az-ın verdiyi məlumata görə, Riçard Çeyni NBC telekanalına müsahibəsində deyib ki, ürəyini dəyişməklə bağlı cərrahi əməliyyatın keçirilməsi lazım gələ bilər.

Riçard Çeyni keçən il bədənində yerləşdirilmiş ürək nasosu narahat olduğu üçün ürək köçürülməsi barədə fikirləşməyə başlayıb. Onun sözlərinə görə, bu aparata görə çətinliklə hərəkət edir. Hələ ki, sabiq vitse-prezident yekun qərar qəbul etməyib. Riçard Çeyni onu da vurğulayıb ki, günü gündən orqan köçürmələri texnologiyası daha da inkişaf edir.

Qeyd edək ki, 70 yaşlı Riçard Çeyninin bədənində ürək nasosu 2010-cu ilin iyulunda yerləşdirilib. Aparat ürək əzələsi funksiyasını bərpa etməlidir.