Telman İsmayılov Soçi biznesindən geri çəkildi

Azərbaycan əsilli iş adamı Telman İsmayılovun rəhbərlik etdiyi AST Şirkətlər Qrupu Soçidə böyük mehmanxana kompleksi tikmək hüququnu Viktor Vekselberqin sahibi olduğu “Renova” holdinqinə güzəştə gedib. Lent.az-ın “Kommersant” qəzetinə istinadən verdiyi məlumata görə, Telman İsmayılov Soçidə 5 min 500 nömrəsi olan “Dostluq” mehmanxana kompleksi tikmək üçün 24,6 hektar torpaq alıb.

Ayrıca 150 nömrəsi olan beşulduzlu otel üçün 0,98 hektar torpaq da ayrılıb. Hər ki obyektin 2013-cü ilin iyununda istifadəyə verilməsi planlaşdırılırdı. Ancaq baş nazir Vladimir Putin 2010-cu il dekabrın sonunda olimpiya tikliləri ilə bağlı proqrama korrektə edib və bu layihənin investoru “Renova” holdinqinə daxil olan “Top procekt” olub.

Bununla bağlı Soçidəki mehmanxana kompleksindəki otaqların sayı 3 min 600-ə enib. Mütəxəssislər hazırda tikinti üçün 540 milyon dollar, istifadəyə verilməsi üçün 5 il gərək olduğunu bildirirlər.

Layihənin investorlarının dəyişməsi Telman İsmayılovun maliyyə problemləri ilə əlaqələndirilir.