Almaniyada ermənilər arasında silahlı atışma

Lent.az-ın “Hamburger Morgen Post” qəzetinə istinadən verdiyi məlumata görə, Ermənistan əsilli şəxslərin təşkil etdiyi bu iki qrup bir-biri ilə düşmən münasibətində olub.

Olay Hamburqdakı bir idman mərkəzində baş verib. İdman mərkəzinin meneceri deyib ki, qruplardan birinin üzvləri tez-tez idman mərkəzində futbol oynadıqları üçün onları tanıyıb. Həmin qrupun üzvləri idman mərkəzində bir otaqda poker oynamaq istədiklərini söyləyiblər. Ancaq sonradan məlum olub ki, məqsəd həmin otaqda başqa bir qrupla münasibətləri aydınlaşdırmaq olub.

İki qrup arasında başlayan müsahibə böyüyüb və silahlar işə düşüb. Qrupların birinin üzvü olan 39 yaşlı Vaçaqan V. adlı erməni ağır güllə yarası alıb və təcili cərrahi əməliyyat olunub. Onun vəziyyəti ağırdır. Vaçaqan V. hazırda danışa bilmir və olayda kimlərin iştirak etdiyi, nə üçün atışma baş verdiyi bilinmir. Atışma iştirakçıları hadisə yerini 5 avtomobillə tərk ediblər.

Hazırda İdman Mərkəzindəki müşahidə kamerasında qeydə alınan görüntülər araşdırılır.