Keçmiş baş nazir 5 il sonra komadan ayıldı!

Lent.az-ın Türkiyənin “Vatan” qəzetinə istinadən verdiyi məlumata görə, 5 il əvvəl beyninə qan sızmasından sonra düşdüyü koma vəziyyətindən çıxa bilməyən və xəstəxanada xüsusi bir palatada cihazlara bağlı olaraq yaşayan İsrailin sabiq baş naziri möcüzəli bir şəkildə yenidən həyata dönüb.

Qeyd edək ki, noyabr ayında həkimlərin artıq həyata qayıtmasına ümid qalmadığını bildirərək Təl-Əvivdəki xəstəxanadan villasına göndərilən, ancaq ailə həkimi Şlomo Segevin etirazından sonra yenidən xəstəxanaya qaytarılan Ariel Şaronun vəziyyəti artıq yaxşıya doğru dəyişir. Şlomo Segev İsrail telekanallarının birinə açıqlamasında deyib ki, artıq 82 yaşlı Ariel Şarona toxunanda o, reaksiya verir. Eyni zamanda onunla danışanda gözlərini açır.

Ariel Şaron həm də İsraildə müalicəsi ən çox pul aparan xəstə kimi tarixə düşüb. Onun xəstəxanadakı 1 ili 400 min dollara başa gəlib. Xəstəxanaya düşəndə 118 kiloqram çəkisi və 77 yaşı olan Ariel Şaronun çəkisi bu müddətdə 70 kiloqram düşüb. Hazırda onun 50 kiloqram çəkisi var.