Ukraynalılarla ermənilər arasında dava səngimir

Lent.az-ın “analitika.at.ua” saytına istinadən verdiyi məlumata görə, yanvarın 4-də axşam naməlum şəxslər şəhərin Qaqarin küçəsində erməni kilsəsindəki xaçı söküblər.

Yanvarın 6-da Ukrayna hüquq-mühafizə orqanları xaçın sökülməsində şübhəli sayılan 3 nəfəri saxlayıb. Ukrayna mətbuatı dünən Nikopol şəhərində gənclərin və kazakların ermənilərə məxsus bir neçə ticarət obyektinə dağıtdığı, “Ukrayna-Erməni Dostluğu” abidəsini məhv etdiyi barədə məlumat yayıb. Olay erməni əsilli şəxsin 2 ukraynalını öldürdüyü yerdə baş verib.

Ermənistanın Ukraynadakı səfirliyi də bəyanat yayıb. Səfirlik Nikopol şəhərində ermənilərlə ukraynalılar arasında milli zəmində qarşıdurma olmasını təkzib etməyə çalışıb. Ermənistan Xarici İşlər Nazirliyinin mətbuat xidmətinin rəhbəri Tiqran Balayan deyib ki, Ermənistanın Ukraynadakı səfirliyindən aldıqları məlumata görə, bu ölkədə ukraynalılarla ermənilər arasında milli zəmində qarşıdurma yoxdur.