İran Səhiyyə Nazirliyinin seks-gəlincik satışı ilə məşğul olduğu üzə çıxıb!

Lent.az-ın “mignews.com” saytına istinadən verdiyi məlumata görə, bu gün bir sıra İran qəzetləri yazıb ki, Səhiyyə Nazirliyinə bağlı olan şirkət ölkəyə çoxlu sayda seks-gəlinciklər gətirib və qara bazarda onların satışından böyük gəlir əldə edilib.

İran qanunlarına görə, Səhiyyə Nazirliyi ölkəyə maneken gəlinciklər, o cümlədən seks-gəlinciklər gətirə bilər. Ancaq bunlar yalnız elmi araşdırmalarda tibbi əşyalar kimi istifadə olunmalıdır. Səhiyyə Nazirliyinə bağlı şirkəti də qanundakı bu boşluqdan yararlanaraq ölkəyə bir neçə böyük partiya seks-gəlincik gətirib.

Baş verən olayın üstünün açılmasından sonra İranın səhiyyə naziri İbrahim Motiveliyan xüsusi bəyanatla çıxış edib və nazirliyin xətti ilə ölkəyə böyük partiyalarla belə seks-gəlinciklərin gətirildiyini inkar edib. Hələ ki, prezident Mahmud Əhmədinejad və dini lider Əli Xəmneyi məsələyə münasibət bildirməyib.