Moskvada baş verən olaylar iğtişaş sayılmadı...
21 dekabr 2010 16:21 (UTC +04:00)

Moskvada baş verən olaylar iğtişaş sayılmadı...

İstintaq Moskvanın “Manej” meydanında dekabrın 11-də baş verən olayı kütləvi iğtişaş saymayıb.

Lent.az-ın “Kommersant” qəzetinə istinadən verdiyi məlumata görə, bunu İstintaq Komitəsinin rəsmi təmsilçisi Vladimir Markin söyləyib.

O bildirib ki, mitinq iştirakçılarını yalnız iğtişaşa çağırış, milisə hücum və vətəndaşlara qarşı zorakılıqda günahlandırmaq olar. İğtişaşa çağırış isə milisin müdaxiləsi nəticəsində baş tutmayıb. “Manej” meydanında baş verənlər o halda kütləvi iğtişaş sayıla bilərmiş ki, razılaşdırılmamış mitinqin gedişində silah, yaxud partlayıcıdan istifadə olunsun, hüquq-mühafizə orqanlarının əməkdaşlarına müqavimət göstərilsin, talan və yanğınlar törədilsin.

Xatırladaq ki, dekabrın 11-də Manej meydanında keçirilən və bir müddət əvvəl Kabardin-Balkar əsilli şəxsi tərəfindən öldürüldüyü bildirilən “Spartak” futbol klubunun azarkeşi Yeqor Sviridovun xatirəsinə həsr olunmuş aksiya etnik xarakter alıb. Aksiya iştirakçıları millətçi xarakterli şüarlar səsləndirib, hüquq-mühafizə orqanları ilə qarşıdurmaya gediblər. 40 nəfər, o cümlədən milis əməkdaşları yaralanıb. 7 nəfər xəstəxanada yerləşdirilib. 80 nəfər saxlanılıb, 22 cinayət işi açılıb.
# 266

Oxşar yazılar