Çeyni 250 milyon dollarla məhkəmədən canını qurtardı

Nigeriya hökuməti ABŞ-ın sabiq vitse-prezidenti Dik Çeyni və “Halliburton” şirkətinə qarşı irəli sürdüyü ittihamı geri götürüb.
Lent.az-ın “Rosbalt” agentliyinə istinadən verdiyi məlumata görə, keçən həftə Nigeriya hökumətinin təmsilçiləri ilə Dik Çeyni və “Halliburton” şirkətinin vəkili arasında Londonda görüş keçirilib.
“Halliburton”şirkətinin Nigeriya hökumətinə 250 milyon dollar cərimə ödəməyə hazır olması nəticəsində tərəflər arasında razılıq əldə edilib.
Qeyd edək ki, dekabrın 77-də Nigeriya hakimiyyəti rəsmən ABŞ-ın sabiq vitse-prezidenti Dik Çeynini korrupsiyada ittiham edib. Nigeriyada aparılan istintaq zamanı məlum olub ki, Dik Çeyni “Halliburton” şirkətinə rəhbərlik etdiyi dövrdə qaz emalı zavodu tikilməsinə icazə almaq üçün nigeriyalı məmurlara 200 milyon dollara qədər rüşvət verilib. Nigeriyalı məmurlara bu rüşvəti 1990-cı illərin ortalarında çatdırılıb.