Azərbaycanlı xanıma “Sələflərin torpağı” mükafatı

“Sərhədsiz gözəllik” tacı rus gözəli aparıb

Bu gün Rusiyanın Arxangels vilayətinin Primorsk rayonunda “Sərhədsiz gözəllik” müsabiqəsi keçirilib. Lent.az-ın “nordportal.ru” saytına istinadən verdiyi məlumata görə, müsabiqədə Primorsk rayonunda yaşayan, Azərbaycan, Ukrayna, Özbəkistan, Moldova, Tatarıstan, Rusiya və Ermənistanı təmsil edən qızlar iştirak ediblər.

Müsabiqə iştirakçılar özləri ölkələri barədə danışıb, əlləri ilə hazırladıqları milli yeməkləri təqdim edib, doğma dildə mahnı oxuyub, milli geyimləri nümayiş etdiriblər. Müxtəlif millətlərin təmsilçilərindən ibarət Münsiflər Heyəti onları qiymətləndiriblər.

Primorsk rayon administrasiyasının mətbuat xidmətindən verilən məlumata görə, Primorsk rayonunun Kutunino qəsəbəsində yaşayan və Azərbaycanı təmsil edən Nuray Babayeva “Sələflərin torpağı” nominasiyasında qalib elan edilib. Ukrayna əsilli Lyubov Yakovenko “Milli zövq”, Özbəkistanı təmsil edən Liliya Cəlilova “Milli paltar” nominasiyasında qalib olublar.

Müsabiqənin qələbə tacına isə əslən rus olan Darya Orlov yiyələnib.