ABŞ-da əhalinin sayı 300 milyon nəfəri keçdi
22 dekabr 2010 16:03 (UTC +04:00)

ABŞ-da əhalinin sayı 300 milyon nəfəri keçdi

ABŞ-da əhalinin sayı 300 milyon nəfəri keçib.


Lent.az-ın CNN-ə istinadən verdiyi məlumata görə, son 10 ildə əhalinin sayı 10 faiz civarında artıb.


Beləliklə, 2000-ci ildə 281,4 milyon nəfər əhalisi olan ABŞ-da hazırda 308,7 milyon nəfər yaşayır. Əhalinin sayı 300 milyon nəfəri keçsə də, son 10 ildə müşahidə olunan artım tempi Böyük Depressiyadan sonra qeydə alınan ən aşağı artım səviyyəsidir.


Amerikalıların ən çox yaşadığı ştatlar Kaliforniya (37,25 milyon nəfər), Texas (25,15 milyon nəfər), Nyu-York (19,38 milyon nəfər), Florida (18,8 milyon nəfər) və İllinoys (12,83 milyon nəfər) ştatlarıdır. Ən az əhali isə Vayominq ştatında (563, 63 min nəfər) yaşayır.


Son 10 ildə əhalisi ən çox sürətlə artan ştat Nevada ştatı olub. Bu ştatda əhali 35 faiz artıb. ABŞ-da son 10 ildə əhalisi azalan yeganə ştat isə Miçiqan ştatıdır. Bu ştatda əhali 0,6 faiz azalıb.


ABŞ-da əhalinin artımında ölkə əhalisinin təbii artımı 60 faiz, immiqrantların xüsusi çəkisi 40 faiz təşkil edir. Son 10 ildə ABŞ-da hər bir ailəli qadına orta hesabla 2 uşaq düşüb.
1 2 3 4 5 İDMAN XƏBƏRLƏRİ
# 451

Oxşar yazılar