Latviyalı din xadimi homoseksuallığa qarşı
24 dekabr 2010 23:19 (UTC +04:00)

Latviyalı din xadimi homoseksuallığa qarşı

Latviya Roma-Katolik Kilsəsinin rəhbəri Zbiqnev Stankeviç homoseksualizmin Latviyanın və bütün bəşəriyyətin mövcudluğuna təhlükə yaratdığını bildirib. Lent.az-ın “mignews.com” saytına istinadən verdiyi məlumata görə, Zbiqnev Stankeviç deyib ki, əgər hamı homoseksual olsa və eynicinsli nikahlar kəsilsə, bu dünyanın sonu olar.


Latviya Roma-Katolik Kilsəsinin rəhbəri qeyd edib ki, kişi qadınla nikaha girən zaman həm kişi, həm də qadın fərqlilikləri qəbul edir və beləliklə də insan inkişaf edir. Onun sözlərinə görə, uşağın da hərtərəfli inkişafı üçün həm kişi ata, həm də qadın ana lazımdır: “Uşağın “valideynləri”nin eyni cinsin nümayəndələri olması yolverilməz situasiyadır. Əgər uşağın “valideynləri”nin hər ikisi qadın olsa, uşaq onların hansını ata kimi təsəvvür edəcək? Yaxud uşağın “valideynləri”nin hər ikisi kişidirsə, uşaq hansını ana kimi təsəvvür edəcək? Uşağın psixologiyasında nə baş verəcək?”


Qeyd edək ki, Roma-Katolik Kilsəsinin rəhbəri Papa XVI Benedikt də qəti şəkildə eyni cinsdən olan şəxslərin evliliyinə qarşı çıxır.
1 2 3 4 5 İDMAN XƏBƏRLƏRİ
# 806

Oxşar yazılar