İran Venesuelada ballistik raketlər yerləşdirəcək!

Lent.az-ın Almaniyanın nüfuzlu “Die Welt” qəzetinə istinadən verdiyi məlumata görə, pakt Venesuelada İranın ballistik raketləri üçün baza yaradılmasını nəzərdə tutur.

Venesuela öz ərazisində raket bazasının tikilməsinə razılaşıb. Bazada İslam İnqilabını Mühafizə Korpusunun raket bölməsinin əsgər və zabitləri yerləşdiriləcək. Venesuela zabitlərinə bazada təlim keçməyə icazə veriləcək. Razılaşma İranın bu bazada 1300-1500 kilometr məsafədə hədəfi məhv etməyə qadir “Şahab 3”, müvafiq olaraq 330 və 700 kilometr məsafədə hədəfi vuran “Scud-B” və “Scud-C” raketlərinin yerləşdirilməsini nəzərdə tutur. Bazanın tikintisinə 2011-ci ildə başlanılacaq. Artıq Venesuela zabitləri Tehran Universitetində intensiv təlim kurslarına başlayıblar.

İranın Venesuelada raket bazası tikəcəyi barədə məlumat ABŞ və ABŞ-ın regionda ən yaxın müttəfiqi Kolumbiyanın ciddi narahatçılığına səbəb olub.