Ermənistanda 10 min fərari axtarışdadır

APA-nın məlumatına görə, bu barədə Rusiya Müdafiə Nazirliyinin rəsmi mətbu orqanı olan “Krasnaya Zvezda” qəzeti Ermənistanın diaspora naziri Qranuş Akopyana istinadən məlumat yayıb.

Nazirin sözlərinə görə, mövcud problemin nizamlanması üçün Ermənistan hökuməti qanunlara dəyişikliklər etməyi təklif edib. Bura ordudan yayınmış, 2010-cu il niyabrın 1-dək 27 yaşı tamam olmuş şəxslərin cinayət təqibinin dayandırılmsı, məcburi xidmət keçmək istəməyən vətəndaşların 27 yaşa qədər hər çağırış zamanı dövlətə cərimə ödəməsi təklfi olunur. Cərimənin məbləği hər çağırış üçün 100 min dram (təxminən 280 dollar) təşkil edəcək. Sağlamlıq durumuna görə xidmətə yararlı olmayanlar isə 30 min dram ( 80 dollardan çox) cərimə ödəməlidirlər. Atası və ya doğma qardaşı xidməti vəzifəsini yeriən yetirərkən həlak olanlar, yaxud ailədə yeganə kişi olanlar isə cərimədən azad olunacaqlar.