Bəzi komitə və qurumlarda audit yoxlamaları aparılacaq

Ötən həftə Hesablama Palatasının Kollegiya iclası keçirilib. Bu barədə Lent.az-a palatadan məlumat verilib. İclasda bir sıra məsələlər müzakirə edilib. “Bakı Telefon Rabitəsi İstehsalat Birliyinin Nizami Telefon Qovşağı tərəfindən dövlət vergilərinin vergi qanunvericiliyinə uyğun hesablanılması və dövlət büdcəsinə ödənilməsinə dair”, “Dövlət büdcəsindən Azərbaycan Respublikasının BMT yanında Daimi Nümayəndəliyinin saxlanılmasına ayrılan vəsaitlərin istifadəsinə dair”, “Dövlət büdcəsi xərclərinin funksional təsnifatının “Ümumi dövlət xidmətləri” bölməsinin “Qanunvericilik və icra hakimiyyəti, yerli özünüidarəetmə orqanlarının saxlanılması” köməkçi bölməsinin “Mərkəzi icra hakimiyyəti orqanları” paraqrafı üzrə Naxçıvan MR büdcəsindən Naxçıvan MR Dövlət Torpaq və Xəritəçəkmə Komitəsinin saxlanılmasına ayrılan vəsaitlərin proqnozlaşdırılması, maliyyələşdirilməsi, məqsədli və təyinatı üzrə istifadəsinə dair”, “Dövlət büdcəsindən Alternativ və Bərpa olunan Enerji Mənbələri üzrə Dövlət Agentliyinə ayrılan vəsaitlərdən istifadəyə dair”, “Dövlət büdcəsindən “Azəristiliktəchizat” Açıq Səhmdar Cəmiyyətinə ayrılan vəsaitlərdən istifadəyə dair” və “Azərbaycan Respublikasının Dövlət Sosial Müdafiə Fondunun Göyçay rayon şöbəsinin gəlir və xərclərinin proqnozlaşdırılması və icrasına dair” Audit proqramları da təsdiq edilib.