İqlim dəyişikliyi Yerin fırlanmasına da təsir göstərə bilər

Qlobal istiləşmənin atmosferdə yaratdığı dəyişikliklərin Yerin fırlanma sürətinə çox kiçik, lakin ölçülə bilən təsir göstərə biləcəyi müəyyən edilib.

Lent.az xəbər verir ki, bu barədə Phys.org məlumat yayıb.

Atmosfer küləklər və hava kütlələrinin hərəkəti vasitəsilə bucaq impulsu daşıyır. Atmosferlə bərk Yer arasında bu impulsun mübadiləsi planetin fırlanmasını cüzi dəyişdirə bilir.

Yeni araşdırma qlobal istiləşmə şəraitində atmosferin bucaq impulsunun artmasının sadəcə küləklərin güclənməsi ilə deyil, atmosfer dövranının daha mürəkkəb şəkildə yenidən qurulması ilə əlaqəli olduğunu göstərir.